쿺

Настоящий Ингушский Форум

Информация о пользователе

Привет, Гость! Войдите или зарегистрируйтесь.


Вы здесь » Настоящий Ингушский Форум » Ингушский язык » КХЕРАМЕ УЙЛАШ, ТАМАШИЙНА ХА


КХЕРАМЕ УЙЛАШ, ТАМАШИЙНА ХА

Сообщений 1 страница 5 из 5

1

Са хулаш

Са хулаш, воал саг юха сом,
Набарах визза ший увзабеш гом.
Баркал оалаш къаьга Iуйрен,
Сутара фо дуаш хIара ден.

Тхьайса уллаш хIанз а ва со,
Волаш а укх дуне тIа воацаш.
Миска зIамбе мо, дог доацаш,
Ца гуш, тIехьаваьлар со хьо.

Ма тамашийна, ма къахьа,
БIаргахиш, басилгаш тIа хьа.
Са са-м хиннад хьалхе талха,
Зен, Iа ма йоае хьай лоаца ха.

Сай гIанаш да са, сай дуне,
Ха йодаш дIа, хьо кхетаргья.
Хоза, дошо дола буне,
Сона сай сел а дезагIа да.

Са хулаш, воал саг юха сом,
Мерза набарах визза эйбеш гом.
Амма цхьаккха баркал доацаш,
ЗIамбе мо хургва, са доацаш.

Номаче, 01. КIимарс 2013 шу

зIамбе (ва) - зомби

0

2

Ларпас, ма ч1оаг1а хоза язъяьй 1а стих. Хоза г1алг1ай меттаца диллад 1а хьей сурт.

Г1алг1а ва со.

Г1алг1а ва со, г1алг1а ва!
Доккхача дунен хьаьша ва.
Боаг са дега ц1ера ала,
бокъо яц са эсала вала.

Бокъо яц халонех къехка,
лаьтта вахаргвац сий дехка,
къахьа мерза дайза ва,
г1алг1а ва со, г1алг1а ва.

Машар эшачоа ва мерза,
моастаг1чоа калургьяц герза,
мехка са лургадолаш ва,
г1алг1а ва со, г1алг1а ва.

Хеставергвац дувцаш говза,
денал, эздел долчча вовза,
со кхераш цхьа АЛЛАХЬ ва,
г1алг1а ва со, г1алг1а ва.

Э.Газдиева

0

3

Укх сайта т1а дуккхаг1а г1алг1ай меттала яздича бакъахьа хетар сона стихаш а, проза а, кхыйола произведенеш)))

Цхьаццаяраш укхаз язъе хьожаргья со))))

0

4

Бирса саг

ЦIийх вампал хьогаш санна,
Ва со хьогаш безамах хьа.
Нанас Iо а ца веш, хинна валар со ванна,
Мичаб из хьа безам, безам бар-кх ха.

ЦIийх дизза дог са, ца гуш,
Я хьо теник курал сетташ.
Меца бордз мо бийсане беттаг лувш,
Ва со юха а цунга сай кхел хетташ.

Ва сел къиза, гIарб а хилац,
МоастагIачох доттагIа хул.
Хьо-м цхьаккха дерах вIалла а яшац,
Дега тIа я хьехкаш са, дыной Iул.

Ва ма хила сел къиза, эшац,
Йоацилга ха, курал дика.
Бирса саг я-кх из аьнна, со а тешац,
Карара яккха из во йилбаза тика.

Номаче, 09. Лайчил 2013 шу

вампал (да) - вампир
гIарб (я) - ведьма
курал (я) - гордость
Iул (да) - стадо

0

5

АЯ написал(а):

...Укх сайта т1а дуккхаг1а г1алг1ай меттала яздича бакъахьа хетар сона стихаш а, проза а, кхыйола произведенеш)))

... - Укх бIагал тIа сай уйлаяздараш гойта безам бар са, вай къаман уйлаяздрахой гIалгIай меттал уйлакаьхаташ язде безамболчун, "ГIАЛГIАЙ УЙЛАЯЗДАРХОЙ КХОЛЛАМ" яха бIагал я, цига уж гулдеча дика хургдар аьнна хет сона, вешта са уйлакхолламах лаьца хаттараш е дикахетара оаламаш дале, ужаш укxаза дита мегаш да.

Отредактировано Larpas L. (2013-11-10 16:37:00)

0


Вы здесь » Настоящий Ингушский Форум » Ингушский язык » КХЕРАМЕ УЙЛАШ, ТАМАШИЙНА ХА